مدونة الجمال

مدونة الجمال لتجديد جمال البشرة  رائعه لكن عليكى بالمداومه عليها قومى بوضع ماء ورد داخل قالب الثلاجة وضعيه بالفيرزر حتى تتجمد مثل الثلج وبعد ذلك قومى صباحا ومساء بمسح وجهك بقطعه ماء الورد المجمد وسوف ترين وجهك كم هوا مشرق وجميل

مدونة الجمال وصفة التفتيح فى 7 أيام طبعا الكل عايز يفتح لون بشرته حتى البنت البيضا علشان كدا جتلوكو حاجة انا عن نفسى جربتها وشوفت النتيجة بنفسى بس ياريت علشان تحسى بالفرق من أول استعمال بلاش تتعرضى للشمس كتير المهم الوصفة: جيبى كوب من المياه كبير وعليه حوالى 2 معلقة كبيرة نشا و3 معالق ماء ورد (ماورد)وضعيها على النار حتى تصبح مثل الجيلى (المهلبية) بعد كده جيبى علبة كريم جليسوليد الاحمر متوفر فى كل الصيدليات تقريبا وحطيها على الخليط وخدى منه اعملى ماسك سبيه حوالى نص ساعه على قد ما تقدرى يعنى والباقى شليه فى علبة وكل يوم اى وقت اعملى الماسك هتشوفى وشك هيبقى ازاى وابقى بس ادعيلى تحياتى للجميع

مدونة الجمال            وصفة من زمن ستى دايما كانو يقولو عايزين رموشكم تتقل وتبقى حلوة استخدمو زيت الخروع جربوها علشان هيا فعلا حلوة .

من فترة جربت زيت وكان جميل جدا هوا زيت جنين القمح بيدى للوجه لمعه ونعومة  فائقة الجمال وكمان اللى وجهها دائما بهتان هتلاقيه اتغير نهائيا وأصبح نضر ومشرق جربوه تحياتى  مدونة الجمال 

السلام عليكم مجرب للتطويل زيت دهن التعبان وعلشان تقله يزود بزيت زيتون او زيت طعام ايوه ماتخفوش من زيت الاكل ده روعه للشعر جربو وقولولى

السلام عليكم طبعا كلكم عايزين تعرفو ايه اللى روعة للشعر أنا هقولكم أول شىء الزبادى فيه ناس كتير هتقولى يييه احنا جربنها بتنشف الشعر ومش كويسه هقولكم استنو للاخر وجربو مره كمان مش هتخسرو حاجة الزبادى معاها معقلتين زيت يكون شعرك بيجى عليه ومعاها معلقة عسل اسووووورد مش نحل يا بنات أنا جربت الاتنين العسل النحل نشف شعرى بس جربو العسل الاسود وهتدعولى مستنيا ردودكم

السلام عليكم اليوم سوف أعرفكم طريقة بسيطة وسهلة لعمل شامبو بمكونات طبيعية يساعد على  نعومة الشعر ويمنع التقصف نهائيا ويزيد من لامعان ونعومة الشعر أنه حقا مفيد جدا وسترى الفرق المكونات : بقدونس - جلسرين - زيت زيتون (أى نوع تفضليه) الطريقة : نقوم بغلى كمية متوسطة من البقدونس فى كوب ماء وبعد ذلك نقوم بأضافة معلقتين أو ثلاثة من الجلسرين وأيضا معلقتين من زيت الزيتون ملحوظة : الشامبو ليس له رغوة 

 السلام عليكم كلما كتبت لكم فى مدونتى يكون قد مر وقت طويل على الكتابة لكن الحياة مستمرة لذلك فأن يوجد دائما ماهوا جديد فالحياة فأنا تزوجت منذ شهر وبضعت أيام لذلك سبق غيابى عنكم مشاغل كثيرة لقد أختلفت حياتى وأيضا أختلف مفهومى للجمال فاليوم وجدت أن الجمال الخارجى ماهوا الا قشرة خارجية لكى تظهر يجب أن يتحلى الشخص بالجمال الداخلى أولا ثم بعد ذلك سيظهر الجمال الخارجى بأبسط الطرق دون اللجوء الى ماهوا صعب أو مستحيل ستجدى نفسك جميلة بدون أى تكليف ارجو الا اكون قد أطلت عليكم بالحديث لكنى مستمره فى ما بدأته فى هذه المدونة لذا أنتظرو الجديد دائما

السلام عليكم كل مره اكتب فيها ليكم يكون بقى ليا فترة طويلة ماكتبتش بس اعزرونى بسب حاجات كتير فى حياتى بس كل ما بصادف حاجة او بجرب حاجة تخص الجمال بكتبلكم النهاردة انا جربت حاجة جديدة هيا عشبة للشعر اسمها القطونة وخلى بالكم من الاسم مش الكتان علشان دى حاجة ودى حاجة بناخد عشبة القطونة دى وبنغليها فى كوب ماء كبير مقدار معلقتين منها وبنسبها على نار هادية جدا لغاية مانحس ان الميا تحولت لسائل لزج وبعدين نسبها تبرد ونفرد السائل على الشعر هقولكم بيعمل ايه هوا بينعم الشعر وبيفرد كسرته تديجيا وممكن تستخدمو السائل ده مع زبادى وهيكون رائع ان شاء الله اتمنى تكونو استفادتو وياريت تبعتولى علشان اعرف رأيكم